Flashback scenario 'belangkau ba menua internet'.

Keterubah aku tak tau, tak bisi enggau org ngentak ba menua tu suba.. nya...

Ka ensera aku tu enda lama ngenang pengawa diri tak tau bisi ngembuan blog, nadai entu tak kebuah endar tu batang ya. Tak nguji-nguji ajak.

kira ke sebedau blog tu digaga suba, endang udah bisi ngembuan blog ke lama gak aku. boyhotweb.blogspot.com nya la langkau lama aku suba.

Tang bisi gak sebedau nya ngaga website siti hotweb.ning.com tang suba agi free maya ke ngaga website nya. sekumbang ke enggai enda bebayar lalu di sungkur lipan meh menalan kami diak suba.

mayuh cerita mayanya suba wai.. rancak, ni begasak nyentuk ke jauh malam bala beciting, bediting,besekuding ke pangan diri macam-macam cerita.

Agi belala gak begulai enggau kaban mayanya kira ke dalam taun 2008-2009 lahh mayanya. diatu nyau udah 2014 cerita lama tang ti dikenang mulai ke pengingat nyau rindu gak ati.

Bisi gak plan ka ngaga baru website bakanya, tang meh tu bengan tak nadai alai ngintu ruai.. tu pan nyau nyerepit jam ke ulih ensera cimit-cimit.

laban ke diatu mayuh amat madang laman alai betundi begagai baka cunto pis buk, tagged ,twett meh macam-macam enda entu tak alah rintai ke pemayuh madang laman diatu.

diak-diak ulih alai bemain, lain nama dibanding ke enggau jaman keliak wai.. nama sebut ke madang laman, endang tak madang laman, diak meh tai manuk diak meh tai itit . kena ke benasib enda entu tak manah mimpi tak berangat kaki tetindik ke tai manuk lintung
puh ke bemain tikau selipar sebelah madang laman.

Nya meh nadai berasai taun ngebu ke diri wai.. sekejap. nya baka aku nyau udah manggai 30thn umur taja gaya ke dipeda baka 25thn haha wai.. pama aku muji diri. anang temutah kita maca auk. Ia ke silap nya ampun ke ajak meh auk anang entu tak nyimpan dalam ati.

bisi gak aku berunding ka update blog tu tiap ari ngenatai ke berita-berita sensasi kemaya ari tang idea tu bengat tak enggai datai. diak idea bisi datai legi jam ka update blog gak nadai. nya alai blog tu di update nyau ka sebulan sekali.

ehh umbas meh nya dulu ensera
ila nyambung ya baru..
terima kasih.