✿Sarawak Blogger✿ 06/01/2013 - 07/01/2013 - Marvin Mawan

28 Jun 2013

Mensia-mensia

Haluu.. lama mat  dah enda update blog, sibuk mat ku  sekumbang dua tu, ni  enda deh  bisi gawa luar kawasan. biasa la sedadu nama keluar kem jak mesti masuk utan.

 Semak dua minggu dah dalam utan tok, nasib gak bisi mai jenerita api ulih gak ngecas talipun bincing enggau kumputo sandik ulih gak nusui cimit-cimit ngenang pengawa diri .

Sapa ke bedau bisi bulih pengawa tetap nya, anang enggai minta sedadu untung jadi sedadu diatu, peda nuan aku nyau ulih bebai ke kumputo ti suba dini nya bisi..ari bebai ke utai kenya.
Nya lah kebuah sedadu suba enda ulih di sama ke enggau sedadu diatu udah mudin gak ti dibanding ke ari kesuba-suba.

Line internet bisi tang lebuh ke datai jukat, kekadang nemu tak tekelup padam kediri engkanya laban mayuh pun kayu kini.

ehh... kita nemu ka? nama kebuah kitai mensia tok kekadang nemu ketawa kediri tak ringat kediri, nemu tak sinu tang nadai gak ketegal ? nama kebuahnye? ukai sakit ia tu ko ku. Normal baka orang bukai mega. tang nya lah ulah nyelai mat. baka ni ka ngadu ke orang kenya?

Ti baka nuan kala nemu orang kenya madah agai aku auk. Anang gak nuan madah ke imbur enggau ai sebaldi agai mua ia, kasih ia gaga kenya hihi..

ukeyy bisi awak ilak ku update baru auk.
 

12 Jun 2013

Munyi tawak bebendai nyau makin rapas didinga

Shalom ... nama pengawa sari tu? agi begawai kita,?


Sangka ku bisi sitak-sitak menua agi benung ngintu gawai jam ke diatu, ni enda deh bisi ke gawa maya orang ke begawai malam 31hb 5 2013 nyambut dudi gak .

Tang mayuh agi bala ke udah ngemulai kediri ngagai alai kerja bekejang mupuk ari rumah panjai, pesan bukai nadai aku semina bejimat-jimat kita sebelah rantau jalai auk.

Ti nyema nepan bas, pesan ngagai dribo anang mai laju amat titih atur jalai raya. kur semengat   selamat datai ngagai alai ke dituju ati. Besampi anang kurang mega auk. Tinyema ngena muto  kediri empu lelubah janji datai enda ibuh driff pan nadai perais ulih sangka ku deh.

Taun tok nadai gambar gawai ngintu dimenua aku laban nadai pulai ke menua. Taun 2014 bisi ku pulai ila nyambut gawai nya pan ti umur panjai... pengada enggau pemati kitai Tuhan ke megai nyerah kediri semina ngagai Ia jak meh kitai, Amen..

Bisi gak nyambut kemimit-mimit nya di  Johor ditu tang enda entu tak rami endar, enda baka dimenua. Ti ngintu dimenua mayuh macam pekit digaga sambil nganti pukul 12 malam ngintu ai pengayu. Sinu ni tau enda sinu enda pulai,,, tang ko pan pengawa mayuh amat nagang diri enda ulih pulai.

Ngiling bidai lalu bedau nyee?,,,, haaa ti baka ngiling bidai engka bisi gak rami mimit dimengeri laban orang kepulai ari rumah panjai udah dinegeri magang, lapa gik... gempuru lah.. isak gak gawai kitai enda ngintu sama ngiling bidai gak kitai sama-sama. Ti kami diJohor ditu kira kebakanya meh gaya ia. Enda nemu baka ni gaya dimenua kita...

bahh ohaa selamat gawai ari aku ngagai kita, minta suri laun amat meri salam gawai. ukai nama bepenyakit aku jam gawai tok tadi, penyakit enda masuk makai ngelu pala nyengut-nyengut haha... paham-paham ajak meh auk. ukai semina aku meh kena penyakit ke bakanya nuan pan sama meh hihi.... engka nuan mereti sangka ku tang aku mancal cecimit lebuh gawai tak enda nemu malu maya ngabang :D

salam ngiling bidai wai... bisi maya gawai betemu baru kitai.

09 Jun 2013

Umai kami di menua

Tak lelenggau aku ke umai, tetegu ati ka nepu gambar umai kami dimenua din ba blog bisi gak dikungsi ke ngagai bala pemaca.

Kati kita bisi umai ka? kami bisi pan umai paya engi kami.. aku lama endar enda kumai sekumbang ke udah gawa dimengeri. sinu gak ati ku lebuh ngenang apa enggau mak aku gawa kediri din, ka pan udah jereki gawa dimenua orang.

Suba aku nusoi ke kita, selalu aku kumai melangkan sebelah paya begiga ke anak tuman kauk enggau pemansai lalu lempis enggau daun apung, haha.. apuu enda berasai nyau nambah-menambah asi hihi masuk mat makai.

Nadai entu milih pemakai dimenua tak ka memaggang nyawa masuk amat. kadang-kadang manjuk meh ulah sebelah madang umai, nemu kita nama utai dipanjuk ku burung engkeruak nyamai amat ia gak mayuh sebelah umai enda ibuh panduk macam-macam leman resepi tunu ajak cun meh..

Tang ti umai bukit enda aku nemu penti pemali laban kami nadai umai bukit, tang ti bumai paya. ngumbai terer enda gak tang nemu.

start ari betambak, udahnya mantun rumpun ti nyau udah ngandung anak padi lalu muru pipit ulah kami lelak bepangkung ke tin muru pipit, udah padi cukup tuai lalu ngetau. nemu ku ngetau anang nuan ngumbai ku enda nemu haha tau cilin sapa tua dulu ngemenuh ke sintung menang hihi...


tu meh gambar umai kami 



nya lah gaya umai kami dimenua din, tang aku diatu bumai ba kedai ka pan gawa dimenua orang dini meh bisi umai enggai-enggai pan bumai ba kedai meh aku. nganti  pincin ila meh bendar ke melangkan ba umai baru begiga ke anak tuman ke lempis :)

sampi-sampi ke ngicak ke panjai umur, gerai nyamai lepas pincin gik dapat kumai. 


Blog enggau laman web mesti ngembuan lesen

Bisi kitai ninga cerita tok? enda patut nadai sangka ku. Ti nadai ninga nadai nemu jaku gok ku engka nya bedau ninga meh nya kini.

Lebuh keterubah aku maca berita tok nyau tetanya gok aku ngagai diri empu, ti semua ka ditagang memaggang bah nadai ulih bejaku meh kitai ti baka tok, angguk-angguk ajak pala.

Ya baka blog aku tu ke nadai entu bengat populo penguntung nadai gak entu tak mayuh,, baka bulan nyin tadi di cek aku ka rm1.48 sen nambah dalam  nuff aku keni ka ngaga lesen ya bakanya..

Ia gak ti baka ngembuan blog kediri anang bejai ke sapa-sapa enda orang ka nutup serta mesti bisi lesen sangka ku.. enda gak aku tak nemu endar semina sangka ajak nya tadi.

Pemanah digaga kitai ti mensia enda meda anang irau Tuhan bisi meruan meda nama utai ke digaga kitai baik ke manah tau ke enda ulah kitai sari-sari anang irau meruan di catit memaggang nama batang pengawa ke dikerja kitai.